Main Content
Ffeithiau Cyflym
Oni chewch ateb i'ch cwestiwn yn yr wybodaeth a ddarperir isod, cysylltwch â Swyddfa'r Wasg ar: 020 7478 7801
- Beth yw newid i ddigidol?
- Beth yw'r Cynllun Cymorth i Newid i Ddigidol?
- Faint o bobl fydd y Cynllun Cymorth yn eu helpu?
- Pwy sy'n gymwys i gael help?
- Oes tâl am hyn?
- Pryd fydd y cymorth ar gael?
- Pwy fydd yn rhoi'r cymorth?
- Pa fath o help a gynigir gan y Cynllun Cymorth?
- Pa fath o gyfarpar gaiff ei osod?
Beth yw'r newid i deledu digidol?
Y newid i deledu digidol yw'r digwyddiad mwyaf ym myd teledu ers teledu lliw. Gan ddechrau yn rhanbarth Border ITV yn hydref 2008 a gorffen yn 2013 bydd gwasanaeth teledu yn y DU yn troi'n gyfangwbl ddigidol , fesul rhanbarth teledu annibynnol. Diffoddir yr hen signal teledu analog a daw signal digidol yn ei le a hwn yn darparu mwy o ddewis o sianeli. Ar ôl y newid hwn ni fydd yn bosibl i unrhyw deledu na fydd wedi cael ei newid i ddigidol dderbyn rhaglenni teledu . Bydd rhaid newid neu uwchraddio i ddigidol bob teledu yn eich cartref os ydych chi eisiau parhau i'w wylio.
Beth yw'r Cynllun Cymorth i Newid i Ddigidol?
Mae'r Cynllun Cymorth wedi'i drefnu gan y BBC mewn cydweithrediad â'r Llywodraeth i sicrhau bod y rhai sydd â'r angen mwyaf yn elwa o gymorth ymarferol a chyngor yn ystod y broses o newid i ddigidol
Faint o bobl fydd y Cynllun Cymorth yn eu helpu?
Bydd hyd at saith miliwn o bobl ar draws y wlad yn gymwys i dderbyn cymorth i newid un set deledu o dan y Cynllun Cymorth i Newid i Ddigidol yn ystod cyfnod y newid hwn.
Pwy sy'n gymwys?
Mae'r Cynllun Cymorth yn berthnasol i bob cartref lle mae o leiaf un person, ar adeg y newid yn:
- 75 oed neu fwy
- Yn hawlio (neu'n gallu hawlio) Lwfans Byw i'r Anabl, Lwfans Gweini, neu Lwfans Gweini Cyson neu Atodiad Symudedd
- Wedi'i gofrestru'n ddall neu'n rhannol ddall
Oes tâl am hyn?
Bydd rhai pobl sy'n cymryd y Cynllun Cymorth yn talu 40 am y cynnig safonol o gymorth. Mae cynnig safonol y Cynllun Cymorth am ddim i'r cartrefi sy'n gymwys a sydd hefyd yn derbyn budd-daliadau incwm perthnasol. Mae opsiynau eraill hefyd ar gael. Efallai bydd rhaid i'r bobl sy'n dewis yr opsiynau hyn i dalu mwy a nodir hynny yn y Pecyn Opsiynau.
Pryd bydd cymorth ar gael?
Byddwn yn cysylltu â phob person sy'n gymwys yn uniongyrchol sawl mis cyn y newid yn eu hardal gan nodi'r opsiynau sydd ar gael iddyn nhw o dan y Cynllun Cymorth. Dyma'r Pecyn Opsiynau. Byddwn wedyn yn atgoffa pobl o'r hyn sydd angen ei wneud er mwyn paratoi ar gyfer y newid. Bydd pobl sy'n gymwys yn dal i allu gwneud cais hyd at fis ar ôl i'r trosglwyddydd olaf newid i ddigidol ym mhob rhanbarth teledu.
Pwy fydd yn rhoi'r cymorth?
Mae'r BBC wedi dewis eaga i ddarparu a gweithredu'r Cynllun Cymorth ledled y wlad. Mae eaga yn adnabyddus am gynnig gwasanaeth sydd o gymorth i'r mwyaf bregus mewn cymdeithas ar raddfa genedlaethol
Pa fath o gymorth a gynigir gan y cynllun?
Bydd tîm y Cynllun Cymorth yn eich arwain trwy'r opsiynau sydd ar gael a chynnig y cymorth canlynolt
- Help i ddewis y cyfarpar cywir i newid un set deledu i ddigidol
- Cludo'r cyfarpar i'r cartref, ei osod yn ei le a dangos sut y mae'n gweithio
- Erial neu lestr newydd lle mae hynny'n angenrheidiol i alluogi'r cyfarpar i weithio a lle mae'n bosibl gosod un yn ei le.
- Cymorth pellach ar ôl y newid a thra bod pobl yn cyfarwyddo â'r cyfarpar
Pa fath o gyfarpar a osodir?
Dewisir cyfarpar a fydd y addas ar gyfer y bobl sy'n gymwys ar gyfer y Cynllun Cymorth. Mae hyn yn cynnwys blwch hawdd ei osod a'i ddefnyddio ar gyfer top y set deledu; clyw ddisgrifiad ac isdeitlau, taclau rheoli o bell mwy pwrpasol ac ailscanio syml.
Mae'r manylebau ar gyfer cyfarpar Y Cynllun Cymorth sy'n gymwys i fod yn gynnig safonol wedi'u gosod allan yn y Anghenion Craidd Derbynydd