Polisi Diogelu Data

1. Byddwn ond yn casglu a defnyddio'ch manylion personol i ddarparu help i chi drwy'r Cynllun Cymorth.
2. Efallai bydd y manylion a gesglir ac a ddefnyddir yn ymwneud â'ch iechyd(er enghraifft, os ydych wedi'ch cofrestru'n ddall) os ydy hyn yn angenrheidiol i'n helpu gyda'r cynllun.
3. Datgelir eich manylion personol i berson neu gwmni dim ond os ydy hyn yn angenrheidiol er mwyn i chi dderbyn cymorth o dan y cynllun.Os dewiswch dderbyn eich cyfarpar Teledu digidol ac unrhyw wasanaethau tanysgrifio oddi wrth ddarparwr arall (fel Sky, Virgin Media ac yn y blaen) byddwn yn rhoi eich enw, cyfeiriad ac unrhyw wybodaeth berthnasol arall iddynt. Bydd y darparwr arall yn dweud wrthych chi sut y maent yn defnyddio eich manylion. Ni fyddwn yn datgelu eich manylion personol mewn unrhyw amgylchiadau eraill heb gael eich caniatâd yn gyntaf.
4. Byddwn yn cael gwared yn ddiogel ar eich holl fanylion cyswllt cyn gynted â sy'n rhesymol bosibl ar ôl i ni ddarparu'r holl wasanaethau neu ar ôl i chi ddweud wrthym nad ydych am dderbyn cymorth dan y cynllun
5. Os gofynnwch i gyfaill neu berthynas eich helpu i hawlio cymorth dan y cynllun , byddwn yn casglu a defnyddio manylion personol y person hwnnw fel y disgrifir uchod. Gwnewch yn siŵr fod eich cyfaill neu berthynas yn ymwybodol o hyn.